hkkurdistan
گەشاو ڕەحیم
لە گۆڕنانی دەسەڵاتی کوردیی بنەماڵەیی و خاوەن ئەقڵیەتی پیاوسالاری و ژەنگگرتووی دین و کۆنەپەرستی لە کوردستان زۆر دەمێکە
کاتی تەواو بووە و پێویستە دەسەڵاتی سەربەخۆی خەڵکی کرێکارو زە حمەتکیش و ئازادیخواز جێگای بگرێتەوە. لەم نێوەدا ژنان لەسایەی ئەو دەسەڵاتە مافیایی و ژن کوژەدا بونەتە قوربانی و بە بەهانەی نامووسپەرستی پاراستنی ” شەرەفی پیاوان” ەوە گیانی سەدان و هەزاران ژن خەڵتانی خوێنکراوەو سەدان کیژۆڵەی تەمەن خوار هەژدە و شانزە ساڵانیش بەناوی زەواجی شەرعییەوە ئیغتیساب دەکرێن و لەکاتی ڕازی نەبونیشیاندا لیدان و سوکایەتی و تا دەگاتە کوشتن و سەربڕین چاوەڕێیانە. بۆیە ئێمە ی ژنان ئەبێت دەنگی خۆمان بخەینە ڕیزی هاوخەبات و هاوچارەنوسەکانمانەوە.
ئەو خۆپیشاندانانەی ئەم چەند ڕۆژە لە هەرێمی کوردستان بەشداریی زۆر کەمی ژنانی پێوەدیارە و ئەگەر ژنان کە نیوەی کۆمەڵگە و نیوەی گشت هێزێکن لەپێناو هاوسەنگڕاگرتنی کۆمەڵگە و یەکسان هێشتنەوەو یەکسان بەڕێوەبردن، بۆیە هاتنەمەیدانمان لەگەڵ هاوشانی پیاوان گەرەنتیی سەرکەوتنی ناڕەزایەتییەکانمانە لە پێناو ئازادی و یەکسانیی ڕاستەقینەدا. هەر لەسەر ئەم بنەمایەوە ئێمەی ژنان دەنگی خۆمان و ناڕەزایەتییەکانمان دەخەینە ڕیزی هاوخەبات و هاوچارەنووسەکانمانەوە، تا دامودە زگای دەسەڵاتدارانیک لە ناوبەرین کە لەسایەیدا نزیک بە سێ دەهەیە بێکاری، بێخانەو لانەیی، گرانی لەڕادەبەدەری خۆراک و نەدانی کرێی کرێکاران و فەرمانبەران، ڕفاندنی ڕۆنامەنووسان و ئازادیخوازان و تیرۆر کردنیان سیمای قێزەونی ئەم دەسەڵاتەیە، کە بەڕاستی ڕووی گشت شەرمەزارییەکیان شکاندووە..!!
لەکۆتاییدا ماوە بڵێم، لەپێناو ئەوەدا کە ئێمەی ژنانیش لەگەڵ پاوانی هاوچارەنووسماندا لەم هەرێمەدا هەناسەیەکی قووڵی ئازادی هەڵمژن و وەک مرۆڤ ژیان بکەین و یەکسانیی تەواومان لە کۆمەڵگەدا هەبێت، بەشداریی جیدیمان لە ناڕەزایەتییەکاندا و خۆڕێکخستنمان بە وشیارییەکی چینایەتی و یەکسانیخوازییەوە گەرەنتیی کردنەدەرەوەی ئەم دەسەڵاتە کۆنەپەرست و دڕندەو پیاوسالارەی حزب و بنەماڵەی کوردایەتییە..
بژی هاوئاهە نگی ژنان و پیاوان بۆ چارە نووسێکی پڕئینسانی
ئە ڵمانیا
09 ی دیسەمبەری 2020
