hkkurdistan
موزەفەر عەبدوڵا: لە گۆشەەیەکی ترەوە، پرسو ڕای ڕۆژانە
لە چەند ڕۆژی ڕابردودا جارێکی تریش هێرشو تاوانەکانی سوپا شەرخوازە فاشی یەکەی تورکیا ، بە سەرۆکایەتی ئۆردوگانی تاوانبار ، بۆ سەر ناوچە سنوری یەکانی کوردستان ، بوە هۆی کوشتنی چوار هاوووڵاتی ،و زیانی تریش بە خەڵک ، ئەمەش بوە روداوو هەواڵی گەرمی میدیاکانو پرسو رای گشتیو نارەزایەتی خەڵک.بە تایبەتی رەخنەو ناڕەزایەتی خەڵک لەدەسەلاتە بێگیانو بی جوڵەو دەنگەکەی پارتی و یەکیتی کە ناویان ناوە حکومەتی هەریم کە هیچ کات هەڵوێستێکی نەبوە بەرامبەر ئەم هێرشو تاوانانە .
بێگومان ئەمە نەیەکەم هێرشو کوشتارو تاوانەو نە دواترینیشە کە لە لایەن دەوڵەتی تورکیاوە ئەنجام دەدرێت.وە لە هەمو ئەم هێرشو تاوانانە ئەم دەسەڵاتە هیج کات جوڵەو دەنگێکی ناڕەزایەتیان لێنەهاتوەو بەڵام خەڵکێکی زۆر هەمیشە گلەیی و گازەندەیان لەم بێ جوڵەییو بی هەڵویستەیان هەیە. جا بۆیە هەقمانە پرسیار بکەینو بڵێین تا دەکەی دەبێت لە داهۆڵە چاوەڕێی جوڵەیەکی زیندو بکەن…؟!
لە وەڵام بەم پرسیارەوە هەوڵ دەدەین ڕایەکی رۆشن بدەین لەسەر ناوەڕۆکی بێ هەڵویستی دەسەڵاتو هاوکات چاوەڕێبونی بێهودەی خەڵکانێک لێیان .
سەرەتا ئەوە بڵێنەوە وەک ئاماژەمان پێدا کە ئەمە یەکەم جار نی یە ئەم هێرشو تاوانانە دەرهەق بە خەڵکی دەکرێتو ئەم دەسەڵاتەش بێ جوڵەو بێ هەڵوێستە بەڵکو لە بیستو پینج ساڵی ڕابردودا ئەم داڵانەی پێی دەڵین حکومەتی هەریم دەیان هیڕشو دەخالەتی سەربازیو لەشکرکیشی کراوەتە سەر کوردستان بەبەهانەی لیدانی هیزەکانی پەکەکەوە. لە کاتێکدا دژی ئەم هیرشو تاوانانەدا زۆر لایەنی سیاسی ناوخوییو دەرەکیو دەزگا نیو دەوڵەتی یەکانیش ئەم هێرشو تاوانانەیان بە شێوازی جۆراوجۆر سەرکۆنەوریسوا کردوە .تەنانەت چەندین جار بەردەم باڵویزخانەکانی تورکیا لە کوردستانو ووڵاتانی دەرەوە بۆتە گۆرەپانی ناڕەزایەتی تا ڕادەی پەلاماردانیانیان.جگە لەمانەش لەناوخۆی تورکیاش بەرەی چەپو ئازادیخوازی بە شێوازی جوراوجۆر ئەم هێرشو تاوانانەیان سەرکۆنەو ڕیسواکردوە.هەڵبەت لەسەر ئەم هیرشەی تورکیا یەکیتی لە بەیانیکدا هەڵوێستێکی شەرمنانەی دەربڕیوە.بەڵام کاتێک بەهەمان شیوازی رژیمی تورکیا ڕژێمی ئیسلامی تیرۆریستی ئیران کە هێڕش دەکاتە سەر ناوچەکانی یەکیتیو تیرۆری ئاشکرای ئەندامانی ئۆپۆزیسیۆنی ئیرانی لەو ناوچانە دەکات کەچی ئەم یەکیتی یە بیدەنگەو بگرە چاوساغیشیان دەکات.وە لەم حالەتەدا پارتی شەرمنۆکانەوە دیتە دەنگ.ئەم سیاسەتە دووفاقی یەش دەگەریتەوە بۆ وابەستەیی هەر یەکێکیان بۆ ئەو رژیمانە.
جا هەر بە تاقیکردنەوەی چارەکە سەدەیەک دەرکەوتوە ئیتر ناکرێت چاوەڕیی ئەم داهۆڵە بێگیانە بیت تا گیانوژیانی خەڵکی بپارێزێت .ئەم دەسەڵاتە وەک داهۆڵەکەی ئەو جوتیارە وایە کە بۆ پاراستنی کێڵگەکەی جلوبەرگێک بە داریکی بەرزدا هەڵدەواسیت تا دوای خۆی بەهۆی باوە بجوڵیتو کێڵگەو کشتوکالەکەی بپاریزیت لە باڵندەو گیانلەبەرەکان تا زیان بە بەروبومەکەی نەکەوێت.
ئیستاش ئەم دەسەڵاتە کە پارتی بەشی شییری هەیە تیایا هەر وەک ئەو دارو جلوبەرگە وایە کە لە دورەوە بە ئینسان دەچیت بەڵام لە ڕاستیدا شتێکی بێ گیانوبێ جوڵەیە . بیگومان ئەم بی جوڵەییو بێ دەنگی یەشیان ئاکامی رێکەوتنی بەرژوەندی یەکانی رژێمەکانی ناوچەکەو زلهیزە ئیمپریالیستی یەکانن کە بۆ پاراستنی گیڵگە نەوەتی یەکان و هەڵوشینی سەروەتو سامانی کوردستان ئەمانەیان وەک داڵان داناوە لە چوارچێوەی هێز هاوسەنگی و ململانێو هەلومەرجێکی دیاری کراو. تەنانەت ڕژیمە یەک لە دوای یەکەکانی تورکیاش ،بە تابیەتی ئوردوگانیو دەسەڵاتە فاشی یەکەی و رژیمی ئیسلامیش هەروا ،ئەوەندەی بەرژەوەندی ئابوری و سیاسی یان هەیە لەم داهۆڵە ئەوە هیچ زیانیانکیان لە دانانیان نی یە.هەر وەک چۆن جوتیارەکە تەنها جلوبەرگێکی کۆنی خۆی دەکات بە دارەکەیا بەڵام زۆر کات کیڵگەو کوشتوکاڵەکەی دەپاریزیت لە زیان.
هەمو کەسێک دەزانێت کە زۆربەی ئەو حزبە دەسەڵاتدارانە بە تایبەتی پارتی و یەکیتی و سەرانیان لە سەرکردایەتی تا بنکردایەتیان قازانجو بەرژەوەندی ئابوری و سیاسی گەورەیان لەگەڵ دەوڵەتی تورکیاو ئیران هەیە. هەر بۆیەش نەک هەر هێرشو کوشتارەکانیان لەسەر خەڵکی کوردستان مەحکوم ناکەن بەڵکو رۆژانەش ئەم تاوانانە ئەنجام بدەن هەر دەنگ ناکەن. بەڵگەی ئەمەش بونی ئەو سەدان بنکەو سەربازگەی نهێنیو ئاشکرایەن کە هەزاران سەربازو میتو پاسدارو جاسوسی دەوڵەتی تورکیاو ئیرانو زۆر رژێمی تریشی ژێر بەژیر تیادایە .
ئەم دەسەڵاتەی پارتیو یەکیتی ئەوەندە بەرژوەندی هەمەلایەنەیان لەگەڵ دەسەڵاتی ئەو رژێمانە تێکڵاو بوە لەهەمو ڕویەکەوە کە بۆتە مایەو هۆکارێک بۆ درێژ بونەوەی دەسەڵاتە مافییەکەیان. خۆ ئەگەر ڕۆژیک لە ڕۆژان تورکیاو ئیران بزانن ئەم داهۆڵە ئەگەری کەوتنی هەیە بە هەر هۆیەکەوە بیت ، تەنانەت لە لایەن نارەزایەتیو ڕاپەرینی جەماوەریشەوە بیت، ئەوە ئەگەری هەیە گەورەترین لەشکرکیشی بکەنە سەر خەڵکی کوردستان بۆ مانەوەی ئەم داڵانە.
بۆیە پێم وایە ڕەخنەو چاوەڕی بونێک کە خەڵکانێک لەم داهۆڵە هەیانە تا بە زیندویی بچوڵێتو دەنگی نارەزایەتی دەربریت ئەوە ڕەخنەو چاوەڕێ بونێکی بێهودەیە.
هیج گومان لەوەدا نی یە کە بەشێکی کەمی خەڵکی کوردستان لە بنکردایەتی و حاشیەی پارتیو یەکیتی و کومەڵە تاقمیکی تر لەسایەی ئەم دەسەڵاتە حەساونەتەوەو هیج ئەم رەخنەو گلەییانەیان لە پارتیو یەکیتو دەسەلاتەکەیان نی یە چونکە باش دەزانن ئەو ژیانەی فرعەونییەی تیایدان بەرهەمی ئەم دەسەڵاتەیە. لە کاتێکدا بەشێکی زۆر خەڵک لەبەر بێ موچەییو بێکرێیو بێکاریو هەژاریو نەداریو بێخانەو لانەیی نانیشیان نی یە بیخۆن.
بۆیە پێویستە لە جیاتی ڕەخنەو گلەییو جاوەڕوانی بێهودە لەم داهۆڵە بۆ جوڵەو دەربینی نارەزایەتی دژی ئەو تاوانانە ئەوە جەماوەری ستەمدیدە لە هەوڵی وەلانانو کۆتایی هاتنی ئەم دەسەڵاتە داسەپنیراوەداو گۆرینی بێت. ئەمەش لە ڕیگای نارەزایەتیو راپەرینو دامەزراندنی دەسەڵاتی ڕاستەوخۆی خۆیان لە ڕێگای ڕیکخراوبونیان لە گەڕەکو شوێنی کارو ژیانیانو، کۆبونەوەو هەڵبژاردنی نوێنەرانیان بۆ بەریوەبردنی دەوڵەت .
٢٢-٣-٢٠١٨
