hkkurdistan
کۆمیتەی فنلاندی حزبی کۆمۆنیستی کرێکاریی کوردستان لە ٨ی مارسدا مەراسیمێکی سەرکەوتووی بە بۆنەی رۆژی جیهانی ژنانەوە لە شاری هیلسینکی ساز کرد، کە زیاتر لە سەد کەس بەشداری تیاکرد.
مەراسیمەکە لەلایەن نەسرین ئاواری بەرێوەبرا؛ قسەو باسی کۆمیتەی فنلاندی حزبی کۆمۆنیستی کرێکاریی کوردستان لە لایەن ئاڵا فەرەجەوە باس کرا کە باسی گرنگی رۆژی ٨ی مارسی کرد کە ژنان لە هەموو جیهاندا لەمڕۆدا زیاتر لە هەموو کاتێکی تر پێویستی بە هاتنەمەیدانی زیاتر هەیە؛ هێرشە جیهانییەکان بۆ سەر ژنان زیاتر بوون و مافەکانمان لێسەندراوەتەوە هەربۆیە ئەبێت زیاتر هەوڵ و تێکۆشانەکانمان زیاتر بکەین بەڕووی سەرمایەداریدا!!! هەروەها لەدرێژەی قسەوباسەکەیدا، باسی هەلومەرجی ژنانی کوردستانی کرد و باسی خەبات و تیکۆشانی بزووتنەوەی یەکسانیخوازی لە کوردستاندا کرد و رۆژی ٨ی مارسی بەرۆژ درێژەدان بە خەباتی حزب لەم مەیدانەدا بەرز نرخاند!
مەراسیم بە دوو پارچە شیعر لە لایەن سیروان ئەمین و شیاوەوە پێشکەش کران و هەروەها بەرنامەی مەراسیم بە چەند گۆرانیەکی ژنە دەنگخۆشی سوری فەردۆس هلال رازایەوە وپاشان بەشی دوهەمی مەراسیم بە سەمای جۆراو جۆر کۆتایی هات.
ئەوەی شایانی باسە لەم مەراسیمەدا ژمارەیەکی زۆر کەسانی ئازادیخوازی عێراقی و ئێرانی و فنلاندی بەشداریان کرد و بەرنامەکەیان رازاوەتر کرد!
کۆمیتەی فنلاندی حزبی کۆمۆنیستی کرێکاریی کوردستان
٨ی مارسی ٢٠١٧
