هەلبژاردنەكاني توركيا وهەلۆیست لە بەرامبەر هەدەپە!

موئەیەد ئەحمەد

ئاكامی هەلبژاردنەكاني ٧ ژوونی ٢٠١٥ي توركيا بوته هۆی ئەوەی كە حزبەکەی ئوردوگان AKP (ئەکەپە) زورنيەی پەرلماني لە دەست بدا وتەنها %40 دەنگەکان بهينێ. وهەروەها لە نیوان ٣ حزبە سەرکیەکانی تردا HDP (هەدەپە) زياتر لەوەي كە چاوەروان دەكرا %13 دەنگەکانی هيناوە. بەرزبونەوەی دەنگەکانی هدەپە وسەرکەوتنی ئەم حزبە لە هەلبژاردنەکانی ئیستای تورکیادا ئالوگۆریکی جدی لە پرۆسەی سیاسی ئەو وولاتەو توازنی هیزە سیاسیەکانی درۆست کردوە. ئەم حزبە وەک بالی چەپی ناسیونالیزمی کورد وروتیکی سیاسی کومەلایەتی بۆرژوازی، بە بەرنامەی بەرگری لە مافەکانی ژنان وکەمایەتیە نەتەویی وئاینیەکان وبەرگری لە مافی مەیلی سیکسی کەسەکان و(ل ج ب ت) کان وبە بەرنامەی چارەسەری مەسەلەی نەتەوەیی کورد بە شیوەیەکی ئاشتیانەوە هاتوتە مەیدانی هەلبژاردنەوە. لە لایەکی ترەوە سەرکەوتنی ئەم حزبە بە شیوەیەکی راستەوخو بۆتە هوی تیکشکانی ئەکەپە وتیکرماندنی بەشیک لە نەخشەو پلانەکانی بو گۆرینی شیوەی حوکمرانی لەتورکیا وجی بەجیکردنی سیاسەتو ستراتیژیەتی.
لە ناوچەیەکدا کە نوقمی کارەسات ومالویرانیە وبوەتە شوینی شەروپیکدادانی هیزە ناوچەیی ونیودەولەتیەکان، وبە تەنیشت تورکیاوە هەردوو وولاتی عیراق وسوریا کراونەتە مەیدانی جەنگی تیرۆریستان وهیزەکانی ئیسلامی سیاسی وقەومیو وکۆنەپەرستانی رەنگاو رەنگ، ولە کاتیکدا کە خودی ئەکەپە وئوردوگان لە خولخیقنەرانی ئەم کارەساتانە بوون، ئەوا هەر پلەیەک لە بەدەست هینانی ئاشتی وئاسایش وئاسودەیی لە تورکیادا وهەر زەربەیەک لە ئەکەپە وپاشەکشە پی کردنی دەسکەوتیکە بو خەلکی کریکار وزەحمەت کیش وقەزیەی پیشرەوی کومەلەیەتی. وئەمە جگەلەوەی کە هەر هەنگاویک لە بە دەست هینانی ئازادی ویەکسانی ژنان وئازادی ومافە فەردی ومەدەنیەکان وچارەسەری ئاشتیانەی مەسەلەی قومی کورد دەست کەوتیکی گرنگە بو خەڵک وبو بزوتنەوەی کریکاری وکۆمۆنیستی.

 وەلام بە دوو پرسیار:
لیرەدا دوو پرسیار دیتە پیشەوە یەکیکیان ئەوەیە کە ئەگەر بردنەوەی هدەپە لەم هەلبژاردنەدا ئەو هەموو دەست کەوتانەی هەیە ئەی بۆچی کۆمۆنیستەکان راست ورەوان بانگەشە بۆ هەدەپە ناکەن وپشتیوانی خویانی بۆ دەر نابرن. هەر لەم راستایەدا پرسیاری دووهەم دیتە پێش، کە بۆچی لە پەیوەند بە جەنگی دژی داعش وە کۆمۆنیستەکان هەلویستی پشتگیریمان بو شەر کەرانی پەیەگە لە کوبانی دەر بری.
لە پەیوەند بە پرسیاری یەکەمەوە ئەمەویت ئەمەی خوارەوە بلیم:
بەرگری لە هەدەپە بۆ ئەوەی بچیتە ناو پەرلەمانی تورکیا کاری هەمان ئەو کەسانەیە کە یا ئەندام ولایەنگرودەنگدەرانی هدەپەن یا بروایان وایە کە بە هوی نەبوونی ئەلترناتیویەکی ترەوە دەبی دەنگ بە هەدەپە بدەن. دەستەی یەکەمیان دیارە بروای سیاسی خویانە وئەوانەی دووهەمیش لە ناچاریدا وای بە باش ئەزانن. هەلۆیستی کومونیستەکان ناتوانی هیج یەک لەم دوانە بی، ئەویش بە سادەیی لە بەر ئەوەی کە هەدەپە حزبیکی ناسیونالیستیە وبالی چەپی بورژوا ناسیونالیزمی کوردە ولە دنیای چینایاتی ئەمرودا ولە نیو دەروونی خەباتی چینایاتی کریکار وبۆرژوازیدا لە کەمپی بۆرژوازی کوردایە وهەر بەو پیەش لە بەرامبەر کۆمۆنیستەکاندایە.
وە لە وەلامم بو پرسیاری دووهەم ئەمەویت ئەوە بلێم کە شەر دژی داعش شەرە دەژی هیزیک کە جگە لە تیکشکاندنی سەربازی وهەلکەندنی رەگ وریشەی لە ناو ژیانی سیاسی وکۆمەلایەتیدا هیچ ریگەیەکی کە نیە لە بەر دەم خەلکدا. بەرگری وشەری چەکدارانەی ژن وپیاو لە کوبانی بە دژی داعش جیگەی پشتیوانی وهاوخەباتی هەر کەس ولایەنیکی پیشکەوتنخواز وئینسان دۆست بووە وهەیە. بەلام لە گەل ئەوەشدا کومونیستەکان نەچونە پال ئەوەی کە تەئیدی حاکمیەت ومونۆبۆلی سەربازی وسیاسی پ ی د وبالە سەربازیەکانی بکەن .

ماهیەتی هەدەپەو مانای پشتیوانی کردن لێی :
پەیوەندی توندوتۆلی سیاسی وستراتیژی هەدەپە بە پکک وە، جمووجوولی سیاسی خەلک لە هەلبژاردەکاندا لە ژیر کاریگەری ئاسۆی سیاسی ناسێونالیزمی کورد وئوجەلان وپەیامە سیاسیەکانی، کۆبونەوەی خەلک بە دەوری رەسمەکەی وەک رابەری قومی کورد، نەک وەک “رابەری پرولیتاری”!! کورد وتورک وئەرمەنی …هتد، بۆ خویان بە تەنها وبەدەر لە هەر بەلگەیەکی تر نیشان دەری بۆرژوا ناسیونالیست بوونی هەدەپەو بزوتنەوە گشتیی وخەلکیەکەیەتی کە بە رووکش سەروو چینایاتی دەردەکەویت. نەک هەر ئەمەش بەلکوو رەسمەکەی ئوجەلان وپەیوەندی ئەم بزوتنەوەو هەلبژاردنە بە پکک وهیزە چەکدارەکانیەوە راوەشاندنی ئەو شمشیرەن کە بۆرژوا ناسیونالیزمی کورد هەر لە ئیستاوە هەرەشەی خوی لە ریگەیەوە دەگەیەنی بە پرولیتاریای کوردستان وجەنگی چینایەتی شاراو یا ئاشکرای ئەم چینە لە بەرامبەر بورژوا ناسیونالیستی کوردا. رەوەندەکان ودیمەنەکان گوراون، هەر ئیستا مەسەلەکان لە ئاستی کیشەی قومی ولابردنی ستەمی قەومی واوەتر چوون وتیکەل بوون بە مەسەلەی دەسەلاتەوە کە لە پرۆسەی یەکالا بوونەوەدایە لە کوردستانی تورکیادا. کەسیک کە بە دوای هدەپەدا رۆشت ئیتر هەر لە گەلیدا نیە بۆ لابردنی ستەمی نەتەوەیی وئەنجامدانی هەندیک لەو ماف وئازادیە سیاسیانەی کە هدەپە بەرگری لی دەکات بەلکوو لە گەلیدایە بۆ دامەزرندنی دەسەلاتداریەتی کوردی بە مانا چینایتیە بۆرژوازیکەی.

ئەگەر پشتیوانیت کرد لە هەدەپە دەبی قبولی کەیت کە دەیکەیتە حزبی دەسەلات ودەینیریتە ناو پەرلەمان ودەبی رازی بیت بە سیاسەتەکان ویاساکان کە ئەو دەری دەکات. ئەگەر یاسا دژە کریکاریەکانی دەرکرد ولە رەوەندی توند وتیژ بۆنەوەی خەباتی چیناتی لە ناو تورکیا وکوردستاندا کەوتە سەنگەری رووبەرووبونەوەی توندوتیژ وخویناوی لە بەرامبەر کریکاران وزحمەت کیشاندا دەبی رازی بیت. رەنگە بوتری کە مەرج نیە ئەوەی کە ئەمرو پال پشت ولایەنگری هدەپە یە ودەنگ بە هەدەپە ئەدات سبەینی ئەو “لادانانەی”! لی قبوول بکات. ئەمە راستە بەلام، یەکەم ئەوە لەو ساتەدا ئیتر کات بەسەر چووە وواقعیەتەکە خولقاوە، ودوهەم ئەوە نەریتی حزبە ئوپۆرتینیستە بە ناو چەپەکانە کە خۆڵ دەکەنە چاوی کریکار وزەحمەت کیشان وخەلکی نەدارەوە. ئەم حزبە ئوپۆرتینیستانە لە پیشدا قەناعەت بە خەلک ولایەنگرانیان دەکەن کە لایەنگری لەم هاوپایمانی ئەو هاو پەیمانیان بکەن ودواتر کاتیک کە پرۆسە سیاسیەکەیان وهاوپیمانیەکانیان بە ترجیدیا تەواو دەبیت ئیترهیچ شتیک بە دەرد ناخوت وزەربەی خویان دەدەن لە خەباتی شورشگیرانی نەوەیەک لە ئازادی خوازن وکریکاران وزەحمەتکیشان.
هەدەپە حزبیکە لە سەر بنامای حاکمیەتی ئیداری، ونوینەرە “سەربەخوکانی” لە پارلمانی تورکیا، لە دوو سالی رابردوودا تا رادیەک بووەتە شەریکی دەسەلات لە کوردستاندا. لە راپەرینەکانی خەلکی تورکیادا بە دژی ئوردوگان لە هاوینی ٢٠١٣ دا بە لای دەسەلاتدا رۆشت وهاوپشتی ئەو راپەرینەی نەکرد. ئەوە تەنها نمونەیەکە کە دوبارە دەبیتەوە لە گەل چوونە سەری بزوتنەوەی رزگاری خوازی لە تورکیا وکوردستاندا. بەردەوام بوونی قەیرانی سەرمایەداری جهانی ئەمرو ودەرکەوتنی دیاردەکانی قەیران وکەسادی ئابووری لە تورکیادا ولە پەیوەند بەمشەوە بەرزبونەوەی ریژەی بیکاری وهەژاری وبەرین بوونەوەی نارەزایەتیە کریکاریەکان ونارەزایاتی خەلکی زەحمتکیش وهەراسان بوونی لاوانی کچ وکور وبەرنگاربونەوەیان بە رووی دەولەت ودەسەلاتداریەتیدا، تورکیای خستوەتە سەر رەوەندیکی سیاسی وکومەلایەتی هەمەلایەنە وئالۆز. هەلویستی کۆمۆنیستی لە رونگەی بەرەو پیش بردنی بزوتنەوەی کریکاری وئازادی خوازی ناو تورکیا وکوردستانی تورکیاوە سەرچاوە دەگری ولە بەرژەوەندی ئەم بزوتنەوە رزگاری خوازانەوەیە وشورشی کومەلایەتی کریکارەویە کە هەلویستیش دەردەبرەیت لە سەر هیزەکانی ناو گورەپانی سیاسی و پەرلەمان. هەتا ئیستا شیوە کاری هەدەپە لەم باریەوە لە شیوازی هیزیکی ناسیونالستی بۆرژازی دەرنەچووە.
جگە لەمە، پ ک ک وهەدەپە بە “کونفیدرالیزمی دیموکراتی” وخو نیشان دان وەک رەوتیکی “فرە- نەتەوەیی” و”فرە- ئاینی” وبەرگریی کاری ماف وئازادیەکانی ژنان ومافی مەیلی سیکسی کەسەکان و(ل ج ب ت) ناتوانی ئەو راستیە بشاریتەوە کە پکک وەک رەوتیکی ناسیونالیستی کوردی پەرچەمی ستالینیزمیی خۆی گوری، لەژیر کاریگەری وەزعەکاندا، وبوون بە هەلگر ولایەنگرانی ئەم تەوەجوهە تازانە. بەلام هەم ئەوسا وهەم ئیستا ناوەرۆکی سیاسی چینایاتیان هەر هەمان شتە. ئەوان بزوتنەوە ورەوتیکی بۆرژوا ناسیونالیزمی کوردن وستالینزمی ئەوسای پکک و”کونفدرالیزمی دیموکراتی” ئیستایان رووکەشی سیاسی -عەملی یان بووە نەک ئایدیولوجی وجیگە وریگەی چینایەتیان. لە دنیای سەرمایەداریدا کەسی ناتونی هەم ناسییونالست بیت وهەم ئینترناسیونالیست. بزوتنەوەی کومونیستی لە کوردستانی عیراقدا سنوربەندیەکی هەمەلایەنەوریشەیی کرد لە ناسیونالیزمی کورد وئەمە دەستکەوتیکی گەورەی بزوتنەوەکەیە وناکریت لە ژیر هەر بروو بینویەکدا بیەت لە تیژی وبایەخی کەم بکریتەوە. تەجروبەی ٢٤ سالی رابردووی حاکمیەتی ناسیونالیزمی کورد لە کوردستانی عیراقدا نیشانیدا کە بزوتنەوەی ناسیونالیزمی کورد چەندە کائینکی رەسەنی چینایاتی ولە توخمی بورژوازیە وچون خوی دەگۆریت بە گویرەی سروستی دەوروبەری. هەدپەو جیاوازیەکانی لە بەراورد بە هیزەکانی ناسییونالیزمی کورد لە کوردستانی عیرقدا لە جەوهەری سیاسی چینایەتی هەدەپە ناگوریت.
دەنگ دان بە هەدەپە وبەرگری سیاسی کردن لیی زەمین تا ئاسمان جیاوازە لە بەرگری کردن لە چارەسەری کیشەی نەتەوەیی کورد بە شیووەی ئاشتی وبەرگری لەو ماف وئازادیە سیاسی ومەدەنیانەی کە هەدپە بەرزی کردوتەوە. کومونیستەکان لە نیو بزوتنەوە چەماوەریەکان بە گشتی بەشدار دەبن بو لابردنی ئەم دیاردەی ستەم وئەو دیاردەی زولم وزۆر یا بو بە دەست هینانی ئەم مەتلەب وئەو مەتلەبی ئابووری، کۆمەلایەتی ویا سیاسی ورۆشنبیری پیشکەوتن خواز بەلام بو ساتیکش ئەوە لە بیر ناکەن کە سنووربەندی خویان بەو پەری تیژی ورۆشنیەوە دیاری بکەن لەبەرامبەر هیزە چینایەتیەکانی تر کە لە ناو ئەو بزوتنەوە گشتیە جەماوەریانەدا بەشدارن ولە هەول تەقەلادان سەرو سیما وئاسۆ وسیاسەت ورابەری خۆیان زال بکەن. بەرگری سیاسی لە هەدەپە یا مانی سرینەوەی ئەم سنووربەندیە وبەجی هیشتنی ئەرک وەزەیفە کومونیستی وشۆرشگیریەکانە یا ئەوکەسە رەوەندی سیاسی تانها لەوەدا دەببینی کە لە بەر چاویەتی، تەنانەت چەند رۆژیکی تری دوای هەلبژاردناکە ودەست پی کردنەوەی ژیانی واقعی نابینیت وە یا ئەو کەسە لە کەمپی هەدەپە و پکک دایە.   .

٠٩-٠٦-٢٠١٥