خۆپیشاندانی ناڕەزایەتی لەبەردەم باڵۆێزخانەی تورکیا لە لەندەن بەرێوە چوو

ئەمڕۆ ١١ی جەنیوەری ٢٠٢٥ دژ بە لەشکرکێشی حکومەتی تورکیاو میلیشیا بەکرێگیراوەکانی بۆسەر کوردستانی سوریا کوشتاری دانیشتوانی ئەم ناوچەیە لەبەردەم باڵویزخانەی تورکیا لەلەندەن خۆپیشاندانێکی ناڕەزایەتی بەپشتیوانی نوێنەری چەند ڕێکخراوی چەپ و سوشیالستی بەریتانیا، ڕێکخرا
. ئەم خۆپیشاندانە ناڕەزایەتیە کە لەلایەن کەمپەینی دژی لە سێدارەدان لە ئێران – لەندەن و هاوپشتی لەگەڵ ناڕەزایەتیەکانی خەڵكی ئێران و رێکخستنی بەریتانیای حزبی کۆمۆنیستی کرێکاریی کوردستانەوە ڕاگەیەنرابوو، بە بەشداری ژمارەیەکی بەرچاو لە ئازادیخوازان و نۆێنەری چەند رێکخراوی چەپ وسوشیالست، بە دروشمی: نا بۆ کۆشتنی خەڵکی مەدەنی لە سوریا، سەربازانی تورکیا بۆ دەرەوە لە کوردستانی سوریا، واز لە کوشتنی خەڵکی سڤیل بهینن، ئۆردوگان شەرمەزاری بۆ ئێوە، نا بۆ کوشتنی ژنان و منداڵان… ئۆردوگان تیرۆریست.. ئۆردوگان دەسەڵاتیکی فاشیست و تیرۆریستە.. نا بۆ دەستدرێژی تورکیا بۆ سەر کوردستانی سوریا.. بەیەك دەنگ بەزمانی ئینگلیزی و کوردی دەوترایەوە
. سەرەتا لەلایەن دەشتی جەمال بەرپرسی کۆمیتەی رابەریی ڕێکخراوی دەرەوە دوای بەخێرهاتنی ئامادەبوان وتەیەکی پیشکەشکرد وپاشان نوێنەرانی چەند ڕێکخراوی چەپ و سوشیالست لەوانە: ستیڤان وود لە رێکخراوی ڕزگاری کرێکاران AWL، چەتورا بەنوێنەرایەتی هێڵی پێشەوەی سوشیالستی سریلانکا،ئ ۆلیڤەر- کۆمۆنیست لیگ Communist League، موحسین کەریم لەلایەن حزبی کۆمۆنیستی کرێکاریی کوردستان، سەمەد (ئەڵماس فەرزی) بە نوێنەرایەتی کۆمەڵە- حزبی کۆمۆنیستی ئیران، سەعید ئارمان لەلایەن حیزبی کۆمۆنیستی کرێکاریی ئیران- حیکمەتیست، حەسەن لەلایەن کەمپەینی دژی لە سیدارەدان لە ئیران، دکتور محمد رەحیمی وتەیان پێشکەشکرد دژ بە لەشکرکێشی و کۆمەڵكوژی حکومەتی فاشیستی تورکیاو ئۆردوگان و میلیشیا چەکدارەکانی دەوری بۆسەر کوردی سوریا